Servizo de Préstamo de Bicicletas Adaptadas

A iniciativa nace do proxecto "Huella Sanitas" que esta empresa privada puxo en marcha no 2010, o cal, a través de da Fundación También doan este tipo de bicicletas para mellorar a calidade de vida das persoas que teñen algún tipo de discapacidade por toda a xeografía española. Esta vez, en colaboración coa Fundación María José Jove xuntando obxectivos e valores chegan á Coruña, para facilitar a integración social das persoas con discapacidade a través do deporte.

Para o servizo de préstamo de bicicletas adaptadas é necesario:

Cubrir un "Formulario de Inscrición" onde se acepten as "Normas de Utilización". O devandito formulario poderán descargalo para levalo cuberto nesta páxina ou ben cubrilo no lugar onde se realiza o préstamo directamente.
Realizar un depósito de 10 € no momento de entrega da bicicleta, que será devolto na recollida desta.
Respectar as horas de entrega e recollida das bicicletas, no caso contrario, non se devolverá o depósito de 10 € realizado.

Características das bicicletas adaptadas:

Bicicleta adaptada Micah (azul): Indicada para nen@s e adultos con parálise cerebral ou discapacidade equiparable.
Bicicleta adaptada Handy Asiento Alto (amarela): indicada para persoas con discapacidade motórica (lesionados medulares ou similares con mobilidade en tren superior)
Bicicleta adaptada Handy Asiento Bajo (vermella): indicada para persoas con discapacidade motórica (lesionados medulares ou similares con mobilidade en tren superior)

Lugar do préstamo de bicicletas adaptadas:

Aula da Fundación María José Jove en Mariña Coruña
Paseo Marítimo Alcalde Francisco Vázquez s/n, 15001
A Coruña (Dique de Abrigo, fronte á Cruz Vermella).

Admítense reservas:

Telf: 981 160 265 (atención de luns a venres de 09.00-14.00 h e 16.00-19.30 h)

Telf: 648 943 736 (atención no mesmo horario que o préstamo das bicicletas)

Para máis información, consultar a web da Fundación María José Jove