¿Qué é o certificado de discacidade?
Quen se encarga da súa xestión?
Consellería de Traballo e Benestar Social. A través das súas Delegacións Provinciais e os Centros Base.
Quen se ocupa de valorar o grao de discapacidade?
Os Equipos de Valoración e Orientación (EVOs) son os que realizan as actuacións específicas na Área de Diagnóstico, Valoración e Cualificación da discapacidade
A cualificación do grao de discapacidade realízase mediante baremos establecidos.
Os equipos de valoración e orientación (EVO), están formados por un/unha médic@, un/unha traballador/a social e un/unha psicólog@.
Que papeis hai que presentar para solicitar o recoñecemento do grao de discapacidade e onde se entregan?
Os documentos necesarios son:
- Folla de solicitude debidamente cumprida
- Libro de familia, se é o caso
- Documento Nacional de Identidade
- Informes médicos actualizados
- Cartilla de asistencia sanitaria
- Recoñecemento homologado situacións de invalidez permanente ou discapacidade.
- LUGAR: Servizos Sociais de Atención Primaria do Concello de residencia, ou nas Delegacións Provinciais das Consellería de Traballo e Benestar.
- PRAZO DE PRESENTACION: Todo o ano.
É necesario revisar o grao de discapaciad?
O grao de discapacidade será obxecto de revisión sempre que se prevexa unha melloría razoable das circunstancias que deron lugar ao seu recoñecemento, debendo fixarse o prazo en que debe efectuarse esta revisión.
Nos demais casos, non se poderá instar a revisión do grao por agravamento ou melloría sempre que, polo menos, transcorrese un prazo mínimo de dous anos dende a data en que se ditou resolución.
Que beneficios outorga o certificado de discapacidade?
Segundo o grao de discapacidade, a lexislación permite o acceso aos seguintes beneficios:
- Emprego en cooperativas e sociedades laborais de ámbito público e privado.
- Fomento da contratación indefinida na empresa ordinaria, integración laboral en centros especiais de emprego e emprego autónomo.
- Deducións na declaración da renda.
- Reducións do Imposto sobre o Valor Engadido (IVE).
- Redución no Imposto sobre Sucesións.
- Deducións no Imposto de Sociedades.
- Exención no Imposto sobre Vehículos de Tracción Mecánica.
- Exención no Imposto de matriculación de vehículos.
- Exención de taxas para acceder ás probas selectivas no emprego público estatal e para as probas de aptitude previas ao exercicio de profesións reguladas na Unión Europea.
- Tarxeta Dourada de RENFE. Reducións mínimas do 25% para viaxes rexionais, proximidades, AVE e longo recorrido.
- Descontos no prezo do transporte público que ofertan algúns concellos ao colectivo de persoas con discapacidade (BONO-BUS)
- Tarxeta de Aparcadoiro para persoas con mobilidade reducida.
- Facilidades de acceso á vivenda.
- Facilidades de acceso á educación.
- Facilidades de acceso á formación ocupacional
- Aboamento social de Telefónica. Descontos na instalación da liña telefónica (70%) e no aboamento mensual (95%) ás persoas con grao de discapacid superior ao 65%.
- Programa de respiro familiar (Vacacións de Saúde)
- Termalismo Social do IMSERSO
- Familia Numerosa.
